Nin me deixas nin me deixes.

"Non 

podo encher o vacío 

que 

me deixas "

Non podo encher o vacío que me deixas,

mais debe de ser moito vacío
se molla e queima,
se se sinte coma un toxo que fura
e o meu ventre cuspe bolboretas de cinsa.


Non podo encher o vacío,
e ti non me deixas.
Non me deixas, i eu pensando
"non me deixes"
mentres voe a túa cinsa polas miñas veas.






Xa non hai paisaxes que ollar,
e non podo encher o vacío que me deixas
nin tapalo con xeo,
porque antes de seren cinsa,
as bolboretas fumegaban frío.

Podo encher o vacío,
mais debe de ser moito vacío
se consome as bágoas todas;
chúchame o azucre en reserva
e xa nin sal me deixa.








Podo encher o vacío
e ti non me deixas.
Non me deixas, i eu pensando
"non me deixes"
anque me lixes de pena.


Non podo encher o vacío
se me enches a cabeza,
non me deixas, i eu pensando
"non namores, nena,
as bolboretas queiman"